KALIBO, Aklan–Ginakabig nga welcome development it Municipal Disaster Risk Reduction and Management Office (MDRRMO)-Kalibo ro plano it gobyerno nga ubrahon nga optional ukon voluntary ro pagsuksok it face mask sa indoor places.
Suno kay MDRRMO-Kalibo Head Terence Toriano nga tyempo eon para maging optional ro pagsuksok it face mask bangud mataas eon ro vaccination rate it nasyon.
Nagapati man imaw nga kinahang-ean balansehon ro sitwasyon kung siin sambilog sigon raya sa makabulig sa pagpabaskog it ekonomiya.
Gin-engganyo man kara ro mga pumueoyo nga magpaturok it bakuna ag booster shot bangud mabahoe ro maibulig kara sa pagtao it proteksyon kontra sa virus.
Matueopangdan nga nauna eon nga gin-anunsyo it Malacañang nga nakataeana nga magpagguwa it Executive Order si Pangueong Ferdinand “Bongbong” Marcos Jr. angot sa boluntaryo nga pagsuksok it face mask sa indoors.
Apang, obligado gihapon nga magsuksok sa mga public transportation ag health facilities.
