KALIBO, Aklan–Buhos eon ro mga turista sa isla it Boracay.
Raya ro ginpahayag ni Felix delos Santos, Malay Tourism Officer.
Kaabuan suno kana sa mga turista hay bumuhos makaron nga bisperas it pagsug-aeaw it bag-ong dag-on nga magasaksi sa gina abangan nga bonggang fire works display.
Kapin sa 11 establishments ro nagpasakop sa nasambit nga event.
Nauna eon nga ginpasugtan it Department of Environment and Natural Resources (DENR)-Western Visayas ro nagapangunang beach destination sa nasyon nga magpatigayon it community firework displays sa 8 na areas makaron nga New Year’s Eve.
Suno kay delos santos nga raya ro kauna unahan nga first fireworks display umpisa ko December 2018 kat ginmandu ni dating president Rodrigo Duterte nga ipasarado sa turismo sa sueod it 6 nga buean ro isla para sa environmental rehabilitation.
