KALIBO, Aklan—Uman nga ginkilaea ro Boracay bilang pangatlong pinakamaanyag nga isla sa Asya sa 2024 Condé Nast Traveler Readers’ Choice Awards.
Naangkon kara ro score nga 91.94 points nga pamatuod nga paborito raya nga destinasyon it mga turista.
Kaibahan ro iba pang sikat nga isla sa Pilipinas sa Top 10, kaparehas it Palawan nga una sa ika-an-om nga pwesto, Cebu ag Visayan Islands sa pang-waeo ag Siargao sa ika-napueo nga spot.
Masobra tunga sa milyong travelers ro bumoto sa prestihiyosong survey nga ginpatigayon it Condé Nast Traveler, sangka kilaeang luxury ag travel magazine.
Uman nga ginpamatud-an it mga pagkilaea nga ro Pilipinas hay padayon nga magapanguna bilang top travel destination sa kalibutan.
Nasayuran nga sa ulihing datos it Malay Tourism Office, kabilugang 121,975 ro tourist arrival sa isla it Boracay ko nagtaliwan nga buean it Setyembre.
Sa nasambit nga numero, 100,497 kara ro domestic tourist; 1,010 ro overseas Filipinos ag 20,468 ro foreign tourist.
