KALIBO, AKLAN — Sambilog ro isla it Boracay sa mga gin pasidunggan it CTrip Travel, sangka Chinese travel service provider nga nakabase sa Shanghai, China.
Raya matapos makaibahan ro Boracay sa mga paboritong aeagtunan it mga turistang Chinese kaibahan ro iba pang destinasyon kapareho it Phuket, Thailand, Malaysia, Maldives, Tahiti, Mauritius, Guam, Bali, Saipan ag Okinawa, Japan.
Ginpatigayun ro CTrip Travel Awards Ceremony sa bag-ong bukas nga 7-star hotel nga Wanda Reign on the Bund sa Shanghai.
Ro award hay gin baton ni Vice Consul Andre Peter Estanislao it Philippine Consulate General sa nasambitang lugar.
Madumduman nga sambilog man ro isla it Boracay sa mga ginkilaea it Tripadvisor bilang sambilog sa mga best beaches in the world makaron nga dag-un 2017.
