Maspagahigpitan pa it Bureau of Animal Industry (BAI) ro border controls kara sa Metro Manila ag kaeapit nga probinsya para mapunggan ro pag-eapta it African Swine ever (ASF).
Sa National Capital Region (NCR) may una eon nga an-om nga meat inspection checkpoints para masigurado nga ro mga baboy nga ginahatod sa mga katayan ag sa mga baeak-ean hay ASF-free.
Kasunod kara, nagdugang man it inspection checkpoint ro BAI sa San Jose Del Monte, Bulacan para mapunggan ro mga infected nga baboy halin sa south nga makaabot sa northern provinces.
Nakipag angot eon man sigon sanda sa probinsya it Rizal para makabutang it panibag-ong checkpoint partikular sa banwa it Rodriguez.
Suno sa BAI, matapos ro anda nga mga operasyon ko nagtaliwan nga ap-at nga adlaw, ginakinahang ean eon sigon nanda nga magpangayo it bulig sa Metropolitan Manila Development Authority ag mga local traffic enforcers.
Sa makaron, sinigurado man it ahensya nga nakikipagbuligan eon man ro mga lokal nga gobyerno sa pagdeploy it manpower.
