-- ADVERTISEMENT --
KALIBO, AKLAN — Naninahan ro sangka turistang British national matapos makalabit it naka-duty nga security guard ro anang baril sa sangka resort sa Brgy. Balabag, Boracay.
Ro biktima hay gin kilaeang si Sarah Lian Ellis, 31, taga-Britanya ag naga bakasyon eamang sa isla.
Nakaangkon raya it sambilog nga tama it bala sa anang paa dahilan agud insigida rayang gin daea sa sangka klinika.
Base sa report, natabo ro insidente samtang naga bantay it tricycle ro turista sa gina dayunang resort.
Nakibot sigon raya matapos makabati it eupok it baril ag nakitang may naga ilig nga dugo sa anang paa.
-- ADVERTISEMENT --
Sa makaron hay naga padayun pa ro imbestigasyon it Boracay Tourist Assistance Center (BTAC) sa nasambitang insidente.
