KALIBO, Aklan—Tatlong adlaw eon lang ro nabilin sa ginapatuman nga Modified Enhanced Community Quarantine ukon MECQ sa Aklan ukon hasta sa Setyembre 7, apang nagapati si Aklan Governor Florencio Miraflores nga indi anay maghaeuga it lockdown restrictions bangud sa mataas gihapon ro positivity rate.
Raya hay sa pihak it padayun nga pagnaba it numero it mga nagamasakit it COVID-19 kada adlaw.
Mag-eowas kara, amat-amat eon nga nag-stabilize ro health care utilization rate nga una eon lang sa 38% ro rate kara nga makabig eon nga low risk.
Madumduman nga ko Agosto 30 hay nakipagpueong si Governor Miraflores sa mga alkalde ag provincial inter-agency task force agud nga talakayon ro sitwasyon nga daea it pandemya.
Suno kana nga naging epektibo sa pagpanaba it impeksyon ro paglimita sa hueag it mga tawo pinaagi sa pag-require it travel pass, pag-operate it mga business establishments umpisa alas- 6 it agahon hasta alas 5 it hapon ag ro curfew hours umpisa 8 it gabi-i hasta alas 4 it agahon.
Gindugang pa it gobernador nga sigidas ro pag-aeabutan it mga covid vaccines sa probinsiya makaron nga buean it setyembre rason nga dere-deretso man ro andang vaccinatin roll-out.
