Ginapahaom eon it Department of Trade and Industry (DTI) ro nagakaigong bulig nga igahatod sa business sector nga apektado sa pagpanaeasa it bagyong Kristine.
Ginpahayag ni DTI Acting Secretary Cristina Roque nga nakahaom ro ahensiya nga suportahan ro mga micro, small, and medium enterprises (MSMEs) nga ginbaha ag gin-agyan it bagyo.
Nakipag-angot eon sigon ro DTI sa pribadong sector ag mga business association, para pahueagon ro andang resources ag tumuron ro bulig nga igahatod sa mga negosyante.
Nakahaom man sigon nga makipag-pueong ro DTI sa ibang government agencies agud ipaabot ro nagakaigong programa it mga raya sa mga apektadong negosyante.
Gin-engganyo man ni Roque ro mga negosyanteng apektado sa pagpanaeasa it bagyo nga makipag-angot sa pinakamaeapit nga Negosyo Center ukon DTI regional office para sa posibleng bulig.
Madumdumna nga sa pagpanaeasa it bagyong Carina sa nasyon hay gin-organisa it DTI ro sangka loan program para sa mga MSME nga naapektuhan.
