Nagahiwat it mga aktibidad ro Bureau of Fire kontra sunog kapareho it “Torotot hindi Paputok”, nagatuyo raya nga mapadumdom ro mga tawo parte sa dahilan ukon rason para magtuhaw ro sunog, kapareho it pauepok ag maabong iba pa.
Paniguro ni FO2 John Vincent Nofable nga ginatinguhaan nanda nga maging haom ro mga firetrucks ag ambulansya kung kinahang-ean nanda magresponde sa Kalibonhon ukon sa ibang banwa man.
Suno pa kay FO2 Nofable nga may una nga 2 kaso it sunog nga nailista makarong buean, ag sa ibang aksidente hay maabo man ro andang mga narespondehan kung siin nagapanguna ro mga electrical problems ukon octupos connection nga rason.
Padumdom nana sa nagahilapit nga mga selebrasyon nga pilion ro mga Christmas lights ag dekorasyon nga may standard wiring ag ICC sticker.
Pahayag pa nana nga nagahiwat sanda it mga fire drills 2-3 beses ag paggamit it fire extinguisher sa eain-eain nga mga establishimento.
Samtang sa mga nagabaligya it paeupok sigon hay gina-inspection nanda ag may mga requirements nga ginapangayo bago sanda pasugtan magbaligya.
Pahayag ni FO2 Nofable hay padayon man ro anda rikorida nga nagatao it awareness sa mga tawo nga magalibot sigon sa bilog nga Kalibo.
