-- ADVERTISEMENT --
Ginkumpirma it Department of Finance nga nakataeanang pirmahan it Pilipinas ro sangka kasugtanan kaibahan ro nasyong Cambodia para sa double taxation.
Suno sa ahensya, tuyo it kasugtanan nga mabuhinan ro paeas-anon sa pagbuwis it mga negosyo nga naga-operate sa daywang nasyon.
Makabulig man sigon raya agud nga makakas ro mga barrier nga may kaangtanan sa pagkapital ag kalakalan.
Ginpahayag it ahensya nga pagapirmahan it Pilipinas ag Cambodia ro Double Taxation Agreement sa buean it Pebrero sa masunod nga dag-on.
Sakop kara ro mga isyu sa pagbuwis sa kita it mga residente it daywang nasyon.
-- ADVERTISEMENT --
