KALIBO, Aklan — Syento porsiyento ro bulig it Compliant Association of Boracay (CAB) sa soft opening it Boracay sa Oktubre 26.
Sa interview it Bombo Radyo, ginpahayag ni CAB vice president Boyet Sacdalan nga nakikipag-angot eon sanda kay jetty port administrator Niven Maquirang ag sa iba pang mga compliant resorts ag hotels para sa maayos nga pagsug-aeaw sa mga bisita.
Dugang pa ni Sacdalan nga nagahimo eon sanda it tikang agud maengganyo ro Department of Tourism (DOT) nga inde pag-limitahan ro mga eroplano nga gustong magpadueong sa Aklan kapin eon sa Kalibo International Airport ag Caticlan airport.
Suno kana nga bukon eamang it Boracay ro mahimo nanda i-promote sa mga turista kundi maabong iba pang tourist destination sa probinsya it Aklan.
Raya hay kasunod sigon it pahayag ni Tourism Secretary Bernadette Puyat nga nakipagpueong imaw sa mga airline companies nga limitahan ro mga pasaherong gustong magbyahe sa Aklan bangud may ginasunod nga carrying capacity ro Boracay.
Ginalikawan man sigon nandang magtaas ro presyo it airline ticket.
