KALIBO, Aklan—Bukon pa it eubusang normal ro byahe makaron it ceres bus paadto ag pabalik sa mga kaeapit nga probinsya sa bilog nga rehiyon sais.
Suno kay Reggie Cabonada, Line Supervisor it Vallacar Transit nga nakadepende gihapon ro andang trip sa volume it pasahero sa ruta it Iloilo to Kalibo vice versa, Ilo-ilo to Caticlan vice versa ag Kalibo to Antique vice versa maskin nga ginbutang eon sa modified general community quarantine ro Panay Island matapos nga gindeklara it Inter-Agency Task Force on Emerging Infectious Diseases nga una sa low risk.
Ginpaathag nga kon mag 30 porsyento ro pasahero halin sa 50 porsyento nga required kanda makaron hay insigida nga magabayahe ro bus apang kon inde sigon makaabot sa nasambit nga porsyento ukon limang ka pasahero eamang halin sa 24 nga required kanda hay inde eon sigon magbyahe ro saeakyan bangud nga lugi eon sanda.
Sa makaron sigon hay nakaskeleton work force gihapon ro mga rason nga ro pagbyahe it andang mga saeakyan hay nakadepende man sa pagreport it mga empleyado.
Aminado man ro supervisor it kumpanya nga may pagtaas sa pamasahe apang sakto eamang sa masarangan it pasahero.
