KALIBO, Aklan–-Nagpatigayon it Full Scale Emergency Exercise ro Civil Aviation Authority of the Philppines (CAAP)-Aklan sa Kalibo International Airport sa Brgy. Pook, Kalibo, Aklan.
Suno kay Aklan PPO Spokesperson PO2 Jane Vega, katuyuan kara nga masayuran ro kahauman it mga rescue teams engkasong may emerhensiya nga mag-eontad sa nasambitang paeoparan.
Ro nasambitang aktibidad hay ginpasakupan it Aklan Police Provincial Office (APPO), Kalibo PNP, Philippine Air Force, Bureau of Fire Protection (BFP), Provincial Disaster Risk Reduction Management Office (PDRRMO)-Aklan ag Municipal Disaster Risk Reduction Management Office (MDRRMO)-Kalibo.
Nauna eon kara nga ginpahayag ko pamunuan it CAAP-Aklan nga makaangkon it uman it international flight operations paadto ag paguwa it Kalibo International Airport ro pilang mga airline companies sa pagbukas it Boracay sa Oktubre 26, 2018.
