Ginpasidunggan it Philippne Information Agency- Western Visayas ro mga graduating campus journalist sa pinagaagi it pag-tao it IWAG award sa mga raya.
Sambilog sa mga awardee hay si Erika Tabiolo, sangka Associate Editor it andang kaugalingon nga publication.
Suno kana, raya hay mabahoe nga pasidungog bukon eamang para kana kundi pati eon man sa andang publication ag sa mismong eskwelahan.
Tuyo sigon nanda nga bago sanda mag-graduate hay mataw-an nanda it dungog ro andang organisasyon.
Paathag nana, sambilog sa mga hangkat nga ginapangatubang it mga campus journalist hay ro nagaeawig nga paggamit it AI kun sa siin, nakakabaton it kritisismo ro mga journalists.
Apang, pinagaagi sa mga tikang nga ginahimo nanda para sa andang organisasyon, ginapakita sigon nanda nga minatuod nga kakayahan it mga estudyante ro ginapakita sa publiko.
Ro IWAG Award nga gina-tao it PIA-western visayas hay nagatuyo nga pasidunggan ro mga estudyanteng may mabahoe nga kontribusyon sa development communication.
