Gin-anunsyio it Canada ro andang retaliatory tariffs kontra sa Estados Unidos.
Ro nasambit nga tikang hay pag-umpisa it trade wars sa tunga it magkaeapit nga nasyon.
Suno kay Canadian Prime Mnister Justin Trudeau nga may 25 percent nga igaimponer nga taripa sa mga produkto it Estados Unidos kaparehas it beers, wines, household appliances ag mga sporting goods.
Dugang pa ni Trudeau nga ginsabayan eamang nana ro tikang nga ginapatuman it Estados Unidos kontra sa Canada ag Mexico ag ro dugang nga 10% nga taripa sa China.
Gin-insister pa it Canadian Prime Minister nga inde imaw magsurender sa pagsukoe sa mga pumueoyo kara apang nagpaandam it negatibong pagaatubadngon sa mga tawong una sa border it kada nasyon.
Ro taripa sa 30 bilyon dollars nga haega it mga produkto it Estados Unidos hay igapatuman sa adlaw it Martes ag dugang nga 125 bilyon dollars sa 21 diyas para mataw-an it tyempo nga makapag-adjust ro mga negosyante halin sa Canada.
Madumduman nga ginpatuman ni US President Donald Trump ro pag-imponer it mga taripa hay bangud sa kabaeaka kontra sa iligal immigrations ag drug trafficking.
