Nakataeanang mag-atubang kay Pangueong Ferdinand Marcos Jr. si double olympic gold medalist Carlos Yulo ag ro iba pang Filipino olympians sa Malacanang sa Martes nga adlaw, August 13, 2024.
Maga-abot ro grupo ni Yulo sa Martes it hapon sa Villamor Air Base kun sa siin pagasug-aeawon sanda it andang natungdan nga mga pamilya.
Suno sa Presidential Communications Office, pagataw-an it heroes parade ro mga atleta nga maga-umpisa sa PICC sa Pasay City kun sa siin maga-agi sa pilang lugar sa Manila ag magatapos sa Malakanyang.
Pag-abot sa Malacanang, pagasug-aeawon ni Pangueong Marcos, First Lady Liza Araneta Marcos ag First Family ro mga atleta kun sa siin pagataw-an sanda it pasidungog ag insentibo para sa andang kontribusyon sa Philippine sports ag naging performance sa 2024 Paris Olympics.
