SHOWBIZ News — Masyadong sweet sa kada isaea sanday Carlos “Caloy” Yulo ag girlfriend nga si Chloe San Jose sa pilang mga litrato nga andang ginpakigbahin sa andang natungdan nga social media.
Nataw-an it kahigayunan ro daywa nga makalibot sa pilang tourist attraction sa Paris, France kasunod it pagtapos it hampang it Filipino Olympian kun sa siin nakabo-oe imaw it daywang gold medal sa 2024 Paris Olympics.
Pila sa andang mga litrato hay nagpakilig sa mga netizens.
Pila sa andang gin-agtunan hay ro Paris Disneyland kamana man nga gin-enjoy ro mga manami nga kalye ag pagkaon sa Paris.
Madumduman nga nakaangkon it sangag ro pangaean ni Carlos Yulo ag nobya nga Fil-Australian content creator nga si Chloe San Jose matapos nga magpaguwa it kaeain it buot ro ina ni Caloy nga si Angelica, kun sa siin hayagan kara nga ginbasoe ag ginkontra ro anang karelasyon sa gina-alegar nga pag-antad it buot kanda it anang unga.
