KALIBO, AKLAN — Pagkatapos it haeos sang dag-on, uman nga ginbuksan ro Community Environment and Natural Resources Office (CENRO) sa isla it Boracay.
Magatindog nga officer-in-charge it taeatapan ro Forester nga si Jonne Adaniel kaibahan ro 32 nga staff kara.
Nasayuran nga ro CENRO Boracay office kaeakip ro andang personnel hay ginpaidaeom sa Provincial Environment and Natural Resources Office (PENRO) bangud sa ginpatuman nga reorganization it DENR ko 2015.
Suno kay Adaniel, bukon eamang it ro isla ag mainland Malay ro magapanipueos kara kundi ro mga pumueoyo it kaeapit nga banwa it Buruanga, Nabas, Ibajay ag Tangalan.
Ginpahayag dugang nga gustong ipakita ni DENR secretary Roy Cimatu nga minatuod imaw sa anang commitment nga mataw-an it solusyon ro problema sa palibot sa isla.
Sambilog sigon sa ginpromisa it sekretaryo ro pagbakae it dugang nga ap-at nga ektaryang eogta para sa sanitary landfill sa Malay, Aklan agud masolusyunan ro nagalalang problema sa basura sa Boracay.
