Ginpahayag it Malacañang nga uwa naistoryahan sa makaron ro Charter Change (Cha-Cha) ukon proseso it pag-amyenda sa 1987 Constitution.
Suno kay Palace Press Officer USec. Atty. Claire Castro, sa ulihing pakikipagpueong it Presidente sa anang economic team, uwa natalakay ro angot sa Cha-Cha.
Sa baylo, nakatutok sigon si Pangueong Ferdinand Marcos Jr. sa pag-angat it ekonomiya it nasyon.
Apang, suno pa kay USec. Castro, engkasong may nahimo eon nga tikang ro mga mamalidha angot sa nasambit nga isyu, paga-istudyuhan man sigon raya it Presidente.
Ginhimo it Palace official ro pahayag kasunod it pronouncement ni Senate President Vicente “Tito” Sotto III nga pagasuportahan nana ro mga plano para amyendahan ro 1987 Constitution kon engkaso nga iduso raya.
