INTERNATIONAL News — Gin-umpisahan eon it China ro andang pinaka-mabahoe nga military exercises, bilang pagpakita it pwersa matapos ro pagbisita ni US House Speaker Nancy Pelosi sa Taiwan.
Nagpaeupad it mga long-range ballistic missile ag nagdeploy it mga fighter jet ag warships ro China sa Strait of Taiwan, pilang minuto matapos naghalin it Taiwan si Pelosi, kahapon.
Ginkumpirma it Taiwan Defense Ministry nga 11 nga missiles ro bumagsak maeapit sa andang kaeawran ukon sa Strait of Taiwan.
Mag-eowas sa mga barkong pang-giyera, nagdeploy man ro Taiwan it mga fighter jets ag missile defense system bilang sabat.
Samtang, nagkaeahueog ro ibang missile sa kaeawran maeapit sa Okinawa Islands, maging sa Senkaku Islands nga gina-agawan it Japan ag China.
Insigidang ginprotesta it Japan ro naging aksyon it China ag gin-alerto eon ro andang Self-Defense Force eabi pa ag ginaeauman nga magabuhay ro military drills it People’s Liberation Army hasta sa Domingo.
