KALIBO, AKLAN — Nagapadayun ro imbestigasyon it kapulisan sa pagkamatay it sangka Chinese national nga babaye sa sueod it andang barracks sa gina ubrahan nga kompaniya sa Sitio Liktinon, Brgy. Maria Cristina, Madalag, Aklan.
Gin kilaea ro biktimang si Yuanlong Jin, 33, residente it 22 Yeshang St., Badong City, Huvei, China ag nagatrabaho sa China International and Electric Corporation sa gina himong 18-megawatt hydropower project sa nasambitan nga banwa.
Nasapwan ro bangkay it biktima it katrabahong si Yi He sa andang gina dayunan nga barracks.
Base sa report it Madalag Police Station, owa it nakitang injuries sa eawas it biktima.
Gina imbestigahan eon sa makaron it mga pulis kun may natabo nga foul play sa pagkamatay it nasambitang Chinese national.
