Nagpanawagan ro Commission on Human Rights (CHR) sa gobyerno it Pilipinas nga dapat maghimo it mga tikang para sa dugang nga proteksyon it mga overseas Filipino workers (OFW).
Kasunod raya it pagbitay sa sangka Pinoy sa Saudi Arabia nga nakapatay idto.
Suno sa CHR ro nasambit nga insidente hay nagapakita eamang nga limitado ro ginahimo nga tikang it nasyon para indi mauli sa pagbitay.
Pamilit it CHR nga importante nga taw-an it prioridad it gobyerno ro kinamatarong it mga OFW kun siin dapat sanda hay mataw-an it proteksyon apisar nga ro mga raya hay sa guwa it nasyon.
Gindayaw man it CHR ro ginahimo nga tikang it Department of Migrant Workers (DMW) ag Department of Foreign Affairs (DFA) agud maieayo kunta sa penalidad nga kamatayon ro mga binitay nga Pinoy sa Saudi Arabia.
