Health News——-Agud masiguro ro kaeowasan kontra sa COVID-19, nagpadumdom ro Department of Health (DOH) sa publiko nga kon magpatigayon it Christmas party hay himuon eon lang raya sa kaugalingon nga baeay ag inde eon mag-imbita it bisita ukon himata nga taga-ibang lugar.
Suno kay Health Usec. Maria Rosario Vergeire, maskin nga sa baeay eamang ro party, dapat gihapon nga sundon ro minimum health protocols ag physical distancing.
Inde man sigon dapat nga himuong buffet style ro kaean-an.
Dapat sigon nga ipabilin ro social distancing ag importante ro pag-angkon it ventilated nga lugar.
Samtang, ginlayagayan ni Vergeire ro local ag national government agencies nga inde anay magpatigayon it outreach programs nga magakri-ar it pagtipon-tipon it mga tawo ag kon inde man malikawan, sundon ro striktong ginapatuman nga physical distancing, pagsuksok it face masks ag face shields ag limitahan eamang ro numero it tawo nga magatambong.
