Magasanib pwersa ro ahensya it Criminal Investigation Detection Group (CIDG) sa bulig it Philippine Amusement and Gaming Corporation (PAGCOR) official nga si Raul Villanueva para maimbestigahan ag masayran kung sin- o nga ex-Philippine National Police Chief ro kasabwat ni Alice guo sa paghimo it mga iligal nga Philippine Offshore Gaming Operators (POGO) sa nasyon.
Suno kay PNP spokesperson PCol. Jean Fajardo, ro CIDG ro gintaeana nga mag usisa ag sayuron ro mga alegasyon nga ginasugid ni Villanueva sa senado agud mangin klaro eon ro mga nasambit nga isyu.
Ginasugid man it Spokeperson nga maga angkon it hearing ro mga opisyal it ahensya para ma isturyahan ag maplanuhan ro igakasa nga mga operasyon.
Samtang, insigida man nga ginsiguro ni Fajardo nga magiging tampad ag transparent sanda sa mga mahimong plano ag inisturyahan sa pagahimuon nga hearing it mga mismong ahensya.
