KALIBO, Aklan — Mas pa nga ginpabaskog ro paghawan sa mga nagapangunang karsadahon sa banwa it Kalibo pinaagi sa simultaneous inter-agency clearing operations nga gin-umpisahan kahapon.
Ro operasyon hay ginaeakipan it Land Transportation Office (LTO), Highway Patrol Group (HPG), Kalibo Police Station ag Kalibo Auxilliary Police.
Nagbueuligan ro mga ahensiya it gobyerno pati ro lokal nga gobyerno it Kalibo agud nga mabatyagan it mga motorista ro instriktong pagpatuman it mga ordinansa sa karsadahon.
Ro operasyon it grupo hay nakatutok sa kaeowasan sa daean, paglimpyo sa mga sagabal sa kalye ag sidewalks.
Ro clearing operation hay nag-umpisa kaina it agahon eabi eon sa mga nagapangunang karsadahon nga kaabuan hay maabu nga nakaparadang saeakyan ag motorsiklo sa mga ginabawae nga lugar.
Gin-isyuhan it citation tickets ro mga nagapanag-iya it saeakyan, kun sa siin, maabu ro nataw-an kara sa mga nagahimo it illegal parking sa Roxas Avenue.
Nagapadayun man ro Operation Baklas sa mga naga-obstruct sa daeanon.
