Sigidas makaron ro ginahimo nga coastal development sa Brgy. Pook, Kalibo.
Raya hay sangka economic tourism development project it probinsya it Aklan nga tuyong makata-o it pangabuhian sa mga maintok nga negosyante kamana man dugang nga tourist attraction sa banwa it Kalibo.
Suno kay Pook Punong Brgy. ag Kalibo SB member elect Ronald Marte, ro nasambit nga proyekto it probinsya it Aklan hay ginadevelop it sangka pribadong investor kon siin tuyo nga patindugan it establisyimento kaparehas it hotel ag call center nga magata-o it trabaho sa mga Aklanon.
Ro nasambit nga lugar sigon hay makaengganyo it mga lokal nga turista bangud nga accessible raya matapos nga ginbutangan it circumferential road ro barangay.
May kaangtanan kara, eubus sigon nga nagakalipay ro barangay council bangud nga sambilog man raya sa andang ginduso nga proyekto bangud sa ginbutang nga pantalan sa nasambit nga lugar.
