NATIONAL News — Ginpaidaeum sa Code White ro tanan nga mga hospital umpisa Disyembre 21 hasta Enero 6 para sa ginaeauman nga health emergencies sa tunga it selebrasyon it Kapaskwahan ag Bag-ong Dag-on.
Suno sa Department of Health, raya hay nagakahueugan nga ro tanan nga mga doktor ag nurse hay may nakapahaum nga schedule kaibahan ro mga naka-leave nga kinahangean nga isaylo ro andang bakasyon.
Ginpahayag ni DOH spokesperson Albert Domingo nga maskin nga medyo maka-alarma nga pamatian apang suno kana nga “reassurance” nga kada tiempo it Kapaskwahan ag pagsug-aeaw sa Bag-ong Dag-on hay naka-code white ro mga ospital.
Ro Code White Alert hay nagakahueugan nga ro tanan nga mga trabahador it pang-ikamayad nga eawas kapareho it mga general ag orthopedic surgeon, anesthesiologist, internist, operating room nurse, ophthalmologist ag otorhinolaryngologist nga naka-assign sa mga ospital hay haum agud nga magsabat sa mga medikal nga emerhensiya anumang oras.
Sakop man it Code White Alert ro Operations Center (OPCEN) it mga ospital agud nga makipag-angot sa mga sabat sa rehiyonal ag sentral nga taeatapan it DOH.
Suno kay Domingo, kaeabanan nga ginatamaan it paeupok hay ro mata, alima, ueo, abaga ag hita.
