KALIBO, Aklan — Preparado ro Commission on Elections (Comelec) Aklan engkaso nga madayun ro Barangay ag Sanguniang Kabataan Elections sa Nobyembre 2, 2026 maskin sa tunga it ginapangatubang nga krisis tuga it tensyon sa Middle East.
Raya hay kasunod it suhestiyon ni Deputy Speaker ag Bacolod City Rep. Albee Benitez nga ipaiway anay ro eleksyon sa barangay ag gamiton ro pondong nakataeana kara sa pagsabat sa kinahangeanon it mga apektado it krisis.
Suno kay Comelec-Aklan spokesperson Chrispin Raymund Gerardo nga haum sanda para sa eleksyon.
Pamatuod sigon kara ro andang madinaeag-on nga registration partikular sa andang mga ginapatigayon nga satellite registration sa mga kabarangayan.
Kadungan kara, uman nana nga ginpadumdum nga indi paghueaton ro “last minute” sa pagparehistro agud nga malikawan ro pagdueutdutan kun sa siin samtang may oras pa hay kalitan ro nabilin nga daywang domingo agud nga makapa-rehistro .
Sa pihak nga parte, engkaso nga maka eusot sa Kongreso ro nasambit nga proposisyon hay haum man sanda nga magsunod.
