KALIBO, Aklan — Haum ro Commission on Elections (Comelec)-Aklan nga ipatuman ro anumang mandu it andang main office angot sa magiging kapalaran it napatalsik nga si dating Malay Mayor Ceciron Cawaling.
Suno kay Comelec-Aklan Provincial Election Supervisor Atty. Elizabeth Doronilla, ginahueat pa nanda ro written order kun iga-eakip pa sa listahan it mga kandidato para sa nagahilapit nga May 13 mid-term election ro pangaean ni Cawaling.
Nasayuran nga nagdihon it certificate of candidacy (COC) si Cawaling para sa mayoralty race sa banwa it Malay.
Ginsibak sa puwesto si Cawaling bangud sa pagkasamad it palibot it sikat nga isla it Boracay.
Ro dismissal order nga ginpaguwa it Ombudsman hay ginpatuman it Department of Interior and Local Government (DILG) ko adlaw nga Miyerkules matapos mapamatud-an nga guilty sa grave misconduct, gross neglect of duty, conduct unbecoming of a public official, ag conduct prejudicial to the best interest of service.
Bag-o eamang nga nakabalik si Cawaling halin sa anang an-um nga buean nga preventive suspension kat ginpatuman ro dismissal order.
