KALIBO, Aklan–Ginaeauman eon it commission on elections ukon Comelec-Kalibo ro pagdagsa it mga magapa-rehistro para sa Barangay ag Sanguniang Kabataan Elections sa ulihing adlaw makaron it voters registration.
Suno kay Jose Rowell Imperial, acting election officer it Comelec-Kalibo nga umpisa alas-5:30 kaina it agahon hay may mga nakapila eon sa andang taeatapan kun sa siin kaabuan sa mga raya hay mga bag-ong botante.
Sa unang daywang domingo sigon it registration nga nag umpisa ko hulyo 4, 2022 hay naga-average eamang sanda it 100 kada adlaw nga naserbisyuhan , apang mahilig suno kana ro mga pinoy sa last minute.
Kahapon nga adlaw it biyernes hay mahaba eon suno kana ro pila nga nag-abot sa masobra sa 370 ro andang naserbisyuhan ag mas pang nagtaas ro volume makaron nga adlaw it sabado.
Nagpanindugan si Imperial nga alas-3 kaina it hapon hay ginpanglista nanda ro mga nakapila kun sa siin raya eamang ro andang iga-cater hasta nga magsarado ro andang opisina alas-5 it hapon.
Kaabuan sigon sa mga nagparehistro hay mga pamatan-on nga naga edad it 15 hasta 17 anyos.
