Ginklaro it Commission on Election (Comelec) nga owa it pag-eabag sa laye maskin ro First Division it komisyon ro nagbasura sa ulihi nga disqualification case kontra kay dating Sen. Ferdinand “Bongbong” Marcos Jr.
Raya hay sa pihak nga sa Second Division una nga nai-raffle ro nasambit nga petisyon nga ginpasaka it grupong Pudno Nga Ilokano (Ang Totoong Ilokano) bangud sa tax evasion conviction.
Suno kay Comelec Comm. George Garcia, Polisiya eon it komisyon nga daehon it sin-o man nga commissioner ro mga petisyon ukon ro kaso nga ginabuytan kara oras nga pagasayluhon imaw it dibisyon.
Kung madumduman, nauna eon nga ginbasura it Comelec First Division ro ulihi nga disqualification case ni Marcos bangud sa “lack of merit.”
Ro nasambit nga ruling hay pirmado nanday Comelec Commissioners Socorro Inting, Aimee Ferolino ag Aimee Torrefranca-Neri.
Sa pihak nga parte, ginbasura man it poll body ro tatlong consolidated petitions kontra kay Marcos nga ginpasaka it pila ka mga Martial Law survivors.
