Nagdihon eon ro Commission on Elections (Comelec) it material misprepresentation complaint kontra sa ginsibak nga alkalde it Bamban, Tarlac nga si Alice Guo sa Tarlac Regional Trial Court, adlaw it Martes, Oktubre 29.
Gin-akusahan it Comelec si Guo sa pag-eabag sa Section 74 it Omnibus Election Code may kaangtanan sa Material Misrepresentation.
Nauna eon nga ginpahayag ni Comelec Chairman George Garcia ko nagtaliwan nga dominggo nga magadihon ro poll body it impormasyon matapos mapas-eawan ro kampo ni Guo nga magdihon it motion for reconsideration sa kasong ginapangatubang nana sa komisyon.
Nag-ugat ro akusasyon kay Guo matapos madiskubrehan sa anang gindihon nga certificate of candidacy ko 2022 elections nga nagpinuril imaw kat ginbutang kara nga Pilipino raya ag ko ulihi nabulgar sa mga pagpamati sa Senado nga imaw hay sangka Chinese matapos tumugma ro anang fingerprint sa Chinese passport holder nga si Guo Hua Ping.
