Comelec sa international observers: ‘Hasta obserba eamang, inde eon makisawsaw sa politika sa Pilipinas

Ginpasiguro ni Comelec Chairman Saidamen Pangarungan sa grupo it mga international observers nga pagataw-an sanda it bastanteng access samtang naga-obserba it eleksyon iya sa Pilipinas.

Nauna eon nga gin-atubang ni Pangarungan ro mga dumueoong observers ag ginpaathag kanda ro proseso it pagboto sa Pilipinas ag ro paggamit it vote counting machines (VCMs).

Gintaw-an man ro mga raya it kahigayunan nga bomoto para sa demonstrations it VCMs.

Angot kara, nagpadumdom ro Comelec sa mga international observers nga kunta mamantine ro andang pagiging impartial, sundon ro mga guidelines ag uwa it paga apinang mga kandidato samtang naga-obserba sa kalakaran it eleksiyon sa nasyon.