Makaangkon it kahigayunan nga ipagkigsukoe it kapin sa 117 senatorial aspirants nga uwa nakaekaip sa partial list ro andang kaso sa Commission on Elections.
Suno kay Comelec chairperson Atty. George Erwin Garcia, ginapasugtan it Omnibus Election Code ro Comelec nga kusang magdesisyon ukon base sa sangka verified petition nga pamalibaran ukon kanselahon ro kandidatura it sangka aspirant ukon mga ginakabig nga “nuisance camdidate” para mapabilin ro integridad ukon dignidad it eleksyon.
Apang sa pihak kara, may kahigayunan gihapon ro mga nasambit nga indibidwal nga umapela sa desisyon it Comelec en banc.
Tuyo it komisyon nga solbaron ro tanan nga petisyon kontra sa mga nasambit nga kandidato sa sueod eamang it sang buean para makahimo it final list it mga kakandidato ag madayon ro printing it balota antes matapos ro Disyembre.
