Napuno it kasadya ro palibot it Sistine chapel matapos nga makita it mga nagtambong ro pag-guwa it puti nga aso sa chimney it chapel bandang alas-12:08 it aga-aga kaina, oras sa Pilipinas.
Raya ro naging senyales nga nakapili eon ro 133 nga cardinals it bag-ong Santo Papa nga iga-baylo sa tumaliwan sa pihak nag kinabuhi nga si Pope Francis. Kadungan kara hay ginkaeampag ro kampana sa palibot it Vatican.
Samtang, napili bilang bag-ong Santo Papa si Cardinal Robert Prevost.
Ro 69-anyos nga si Prevost hay mismong kauna-unahang American pope sa kasaysayan it Simbahang Katolika.
Paga-pangaeanan imaw bilang Pope Leo XIV nga magiging ika-267 nga Santo Papa.
Si Pope Leo XIV hay gin-unga ku Setyembre 14, 1955 sa Chicago, Illinois. Dag-ong 2023 kat italaga imaw ni Pope Francis bilang prefect of the Dicastery for Bishops ag pangueo it Pontifical Commission for Latin America.
