Nagapadayun ro construction it Department of Public Works and Highways ukon DPWH Region 6 sa revetment wall sa Aklan River nga sakop it Brgy. Jumarap Banga agud nga maprotektahan ro mga residente nga naga-istar sa kilid it suba halin sa paeag it mga pagbaha.
Suno kay kagawad Rolando Reyes nga kasunod it pagkahuman it 95-meter nga revetment wall nga proyekto it DPWH-Aklan District hay ginsundan raya it construction it 480-meter nga river wall nga may nakataeana nga pondo nga kapin sa P146-milyon.
Mag-eowas kara, magabutang man it jackstone seawall sa lugar.
Ro nasambit nga proyekto hay sakop pa eamng sigon it package 1.
Samtang, ginpahayag ni kagawad reyes nga mabahoe ro naging pagpasaeamat it barangay council it jumarap ag palale sa insigidang aksyon it national government sa andang request sa pagtukod it protective structure sa andang lugar nga ginakabig nga high risk area kon nagabaha.
Sa oras nga eubusan nga makompleto ro proyekto hay mapahagan-hagan eon sigon ro andang pagkabaeaka eabi eon kon mag-abot ro tiempo it tag-uean.
