Kalibo Aklan —– Naging ghost town makaron ro Costanta, Romania.
Raya hay kasunod it pagtuman it mga pumueoyo sa mando it gobyerno nga magpabilin sa tagsa nanda ka panimaeay agud nga maagapan ro pagkalhit it 2019 coronavirus disease (COVID-19).
Suno kay Bombo International Correspondent Al Oliva, strikto nga ginapatuman it mga otoridad ro mando it gobyerno nga ro magasueod sa nasyon hay iga-quarantine sa sangka pasilidad matapos nga boe-an it body temperature kamana man gilayon nga ginadis-infect ro ginsakyan partikular ro barko.
Suno pa kay Oliva, hugot nga ginabilin it andang kompanya nga inde sanda magguwa sa barko agud nga malikawan nga matapnan it makamaeatay nga virus.
Kon nagatrabaho sigon sanda hay protektado ro mga raya it facemask, googles ag gloves kamana man ginatuman ro physical distancing sa kada isaea.
Ro Romania hay may kabilugan nga 12, 732 nga kaso it COVID-19 kon sa siin, 755 kara ro namatay samtang 4,547 ro nagmayad eon matapos ro pagbueong ag quarantine period.
