Health News——–Maid-id nga pagtuon pa ro ginakinahangean agud nga masiguro nga ro COVID-19 vaccines hay eowas sa sangka indibidwal nga 15-anyos panaba, suno kay World Health Organization (WHO) Dr. Rabindra Abeyasinghe, representative it nasyon .
Suno sa WHO representative, ro vaccines kontra sa COVID-19 hay owa pa natestingan sa mga unga sa daywang rason .
Una hay bangud sa manabang insidente it COVID-19 sa mga unga ag ikaywa bangud sa paghandum it mga vaccine manufacturers nga unang siguraduhon nga eowas ro andang produkto para sa mga adults nga magagamit kara antes nga i-administer sa mga younger age groups.
Ginpahayag raya ni Abeyasinghe, matapos nga sambiton ni Senator Cynthia Villar ro kaso sa Japan, kun sa siin ro mga pamatan-on nga 15-anyos panaba hay gin report nga bukon it kaibahan sa COVID-19 vaccination bangud nga owa pa napamatud-an kon ro vaccines kontra coronavirus hay eowas para sa mga younger age groups.
