KALIBO, Aklan–Uman nga nagpadumdom ro Civil Service Commission (CSC) may kaangtanan sa Republic Act No. 6713, ukon Code of Conduct and Ethical Standards for Public Officials and Employees nga nagabawae sa mga empleyado it gobyerno nga mag-solicit ag magbatun it regalo, pabor, loan ukon ano pa nga mga bagay kabaylo it andang serbisyo.
Suno kay Mr. Ferdinand Macogue, Supervising Human Resource Specialist it CSC-Aklan nga bawae magpangayo it regalo ag pambakae it raffle kon mag-selebrar it Christmas party ro tanan nga nagatrabaho sa gobyerno.
Sandig man sa Section 50 (8), Rule 10 of the 2017 Rules on Administrative Cases in the Civil Service (RACCS) ro pagta-o it penalidad sa magabayolar sa nasambitan nga laye.
Ro magiging penalidad hay nakadepende sa gin-eabag nga patakaran kon sa siin pwedeng mapahalin sa pwesto ro sangka empleyado.
Ginpahayag dugang nga dapat magapadayun ro pagtao it sebisyo it mga empleyado samtang nagahiwat it Christmas party.
Dugang pa kara, tuyo it CSC nga indi maapektuhan ro trabaho it mga government agencies sa pihak it nagkaeain eain nga aktibidad.
