Nagpahayag ro Department of Agriculture (DA) it kahauman magbaligya it P40 kada kilo it bugas.
Pahayag ni Agriculture Secretary Francisco Tiu Laurel Jr nga maga-umpisa raya kun maabong mga imported nga bugas ro mataw-an it mas manaba nga taripa pag-abot sa nasyon sa mga masunod nga buean.
Mahimo nga ro mga bugas nga ibaligya sa Rice-for-All program hay mabuhinan it P5 kada kilo kun mag-ugan ro presenteng presyo kara.
Ginsahalimbawa kara nga ingkaso nga ro retail price hay mag-abot it P45 sa kada kilo it bugas hay magiging P40 eun ro presyo it andang Rice-for-All program.
Matandan nga nag-umpisa ro nasambitan nga programa ku Agosto 1 kun siin ginabaligya ro mga well-milled rice halin sa local importers ag traders it P45 kada kilo nga may una nga 25 kilos nga limit kada adlaw sa sangka tawo nga raya hay mas manaba nga presyong P47 hasta P55 kada kilo.
