Ginkumpirma it pamunuan it Department of Agriculture nga padayon nandang ginatrabaho makaron ro pagpanaba sa presyo it bugas sa nasyon.
Suno kay Agriculture Sec. Francisco Tiu Laurel Jr., target nandang maabot ro barato nga bugas sa mga merkado sa bilog nga nasyon sa masunod nga dag-on.
Sa makaron, nagaabot sa P40 per kilo it well-milled rice ro baligyaan makaron sa mga merkado.
Paathag it opisyal nga gusto nanda raya nga mapanaba pa halin sa presenteng presyo kara.
Sa makaraya nga pamaagi hay masarangan eon it mga Pilipino ro baratong bugas.
Agud maipatuman raya, ginpahayag it opisyal nga nakikipag-angot eon sanda makaron sa mga lokal nga gobyerno sa Metro Manila para mag-eapad pa ro mga Kadiwa ng Pangulo kiosk sa mga public market sa nasyon.
Nakikipag pueong eon man sanda sa mga local executive para mag-abo pa ro numero it mga tag-iya it mga market nga magbutang it mga kiosks sa andang market.
