Ginpahayag it pamunuan it Department of Agriculture ro plano kara nga pagpatindog it Mega cold storage sa nasyon.
Tuyo it nasambit nga proposisyon nga mabuhinan ro ginatawag nga post-harvest losses sa agricultural sector it Pilipinas.
Ginpahayag ni DA Spokesperson Assistant Secretary Arnel de Mesa nga ro nasambit nga mega project hay mapatuman bangud sa pag-apruba it ₱1.5-billion unprogrammed fund it andang ahensya.
Suno kay de Mesa, andang igapatindog hay mga mabahoe nga mega structure cold storage kaibahan eon ro adisyunal nga modular cold storage facilities sa mga piling lugar.
Sa raya nga pamaagi, magabahoe ro lugar it paga-istakan it mga mangunguma sa andang ani.
Nakataeana nga umpisahan ro procurement sa pagahimuon nga pasilidad makaron nga dag-on sa oras nga maipaguwa ro budget para dikara.
