Dalagita patay sa tambubuyog

Owa eon naka-abot it buhi sa ospital ro sangka 17-anyos nga dalagita samtang naninahan man ro anang ama ag ina matapos sanda nga putaktihon it mga tambubuyog sa bukid sa Brgy. Fatima, New Bataan, Davao de Oro.

Nakilaea ro biktima nga si alyas Monica Cañas, residente it nasambit nga lugar.

Nasayuran nga pasado alas-11:00 it agahon, kaibahan  it biktima ro anang mga ginikanan sa andang pananum sa bukid kat gulpi sanda nga salakayon  it mga tambubuyog.

Gindaea pa sa ospital si Monica apang owa eon naka-abot it buhi samtang ro anang mga ginikanan hay padayun nga nagapamayad sa ospital.

Si Monica hay may kapansanan ag pirme nga ginadaea-daea it anang mga ginikanan  kon naga-agto sa andang farm.