KALIBO, AKLAN — Bangud eamang sa simpleng pagsunggod sa anang ina, nagpakamatay ro 17-anyos nga grade 10 student pinaagi sa pagbigti sa sueod it andang baeay sa Brgy. Nazareth, Buruanga, Aklan.
Suno kay PSInsp. Willian Aguirre, hepe it Buruanga PNP nga nasapwan eon lang it anang siyam nga dag-un nga igmanghod ro biktima sa may kusina nga bahin it andang baeay.
Gumamit sigon ro biktima it higot para sa duyan it anang gumangkon sa anang pagbigti butang nga haeos indi mapatihan it anang pamilya.
Gin padangat pa ro dalagita sa ospital apang, gin deklarang patay eon.
Gina sugid nga nakaangkon it kaeain it buot ro biktima sa anang ina matapos nga gin panisgan kat madakpan nga owa nagsueod sa eskwelahan ag sa baylu hay nakipag-date sa anang nobyo sa sueod it payag sa kilid it baybayon.
Gin bawaean man sigo raya nga makipagkita sa karelasyon nga masyadong gin batyag it dalagita.
