KALIBO, Aklan—Bukon eon it imposible makaron sa National Basketball Association ukon NBA Finals nga mabawian ro nagdomina it tatlong hampang sa best of seven series.
Raya mismo ro nakit-an ni Mr. Basil Tabernilla, sangka sports analyst matapos nga sa unang kahigayunan makaron nga 2024 NBA Finals hay gintambakan it Dallas Mavericks ro kontra nga Boston Celtics para maiboesa ro Game 4 ag pwersahon ro Game 5.
Ginpahayag dugang ni Tabernilla nga naging dominante ro hampang it Dallas sa pag-umpisa pa eamang it hampang bangud nga nakabuhos ro mga raya it 34 big points kumpara sa 21 points nga sabat it Boston.
Kapin pang nadugangan ro score it Dallas sa 2nd quarter kat ginpasueod ro 27 points samtang nalimitahan ro Boston sa 14 points.
Bangud kara, buhing-buhi ro tyansa it Dallas nga mapasaalima gihapon ro game 5 kon ro andang estratihiyang ginpakita sa game 4 hay inde magnaba ag mas pang mapasanyog it koponan.
Samtang, magabalik sa TD Garden ro Game5 sa tunga it daywang koponan kon sa siin ginabuytan gihapon it Boston ro lead nga 3 – 1.
