-- ADVERTISEMENT --
KALIBO, Aklan—Nag-abot sa kapin sa P140,000 ro naging kahalitan it sunog nga nagtuhaw sa sueod it kwarto it sangka baeay pasado alas-8, gabi-i it domingo, Oktubre 27 sa Sitio Tugbungan, Barangay Caano, Kalibo.
Nauna eon nga ginpahayag it tag-ana it baeay nga si Jinky Magno Piojo nga haeos tanan nanda nga mga kagamitan sa sueod it kwarto nga gin-obra nga stockroom hay naabo sa sunog.
Sa imbestigasyon it Bureau of Fire Protection (BFP-kalibo) mabahoe ro posibilidad nga bangud sa nakasaksak nga extension wire naghalin ro kaeayo.
Insigidang natapna ro kaeayo bangud sa pagbayanihan it mga pumueuyu ag fire auxiliary group it andang barangay council pinaagi sa bucket brigade.
