KALIBO, Aklan –- Dismayado ro Department of Agrarian Reform (DAR) Aklan matapos ibasura it gamhanang Commission on Appointment (CA) ro kumpirmasyon ni Sec. Rafael Mariano.
Suno kay Engr. Ernesto Anino, Chief Agrarian Reform Program Officer it DAR-Aklan, eubus sigon imaw nga nagakasubo sa rejection it CA sa kumpirmasyon ni Mariano bilang sekretaryo it DAR.
Ginpahayag nga pagsueod pa eamang ni Mariano hay nakit-an eon kara ro sensiridad ag dedikasyon para sa departamento.
Nagakanugon man apang uwa sanda it mahimo kon raya hay daeayon eon nga ginbasura bangud mismong ro CA eamang ro may poder ag makadesisyon kara.
Naga-eaum sigon si Anino nga ro madason nga irekomenda hay sangka mayad nga lider ag may sensiridad.
Si Mariano ro nagaduso sa Kongreso it House Bill No. 555 ukon Genuine Agrarian Reform Bill (GARB) para sa tanan nga mangunguma.
