KALIBO, Aklan—Arestado ro dating drug surenderee sa ginkasang drug buy-bust operation sa Brgy. Joyao-joyao, Numancia.
Ginkilaea ro suspek kay Jorven De Juan, 27-anyos, ag taga banwa it Lezo.
Nabuoe sa suspek ro P3,000 pesos nga buy-bust money , calibre 22 nga mangnum revolver nga baril nga may lima ka mga bala.
Narekober man kay De Juan ro daywa ka mga plastic sachet it suspected shabu maghalin sa poseur buyer.
Nag-angkon it transaksyon ro poseur buyer ag suspek sa Numancia Public Market apang insigida raya nga nagpaeagiw matapos nga makatunog nga mga pulis ro anang katransaksyon.
Samtang, naka-angkon it lastro sa waea nga batiis ro suspek nga si De Juan, matapos mabarilan it mga kapulisan sa ginhimo nga operasyon.
Natiruhan ro kapulisan kung siin insigida man raya nga gin-aresto.
Nasayuran nga kakaguwa eamang kara sa presuhan matapos mag plea bargaining sa kaso man nga pag-eabag sa RA9165 ukon Comprehensive Dangerous Drugs Act of 2002.
