Ginklaru it abogado ni Pastor Apollo Quiboloy nga si Atty. Israelito Torreon sa exclusive interview it Bombo Radyo, nga uwa it naging papel si dating Pangueong Rodrigo Duterte sa pagsurender it anang kliyente.
Suno kay Torreon, gulpihan ro mga naging development kahapon ag uwa idto sa kabilugan it proseso ro dating presidente.
Apang gin-ako kara nga may mga opisyal nga naging paagi para sa hilway nga pagsurender it KOJC leader.
Gin-pasaeamatan man kara ro mga suldado ag lokal nga opisyal.
Samtang, uwa sigon naintindihan it kampo ni Quiboloy ro ginahambae nga ultimatum it PNP para sa pastor.
Uwa man sigon it direktang ginmitlang nga anumang pahayag ro sin-o mang opisyal it pulisya nga nakipag-isturya kanda.
Apang kato hay may nagpahatod sigon it impormasyon nga magadaea eon it armas ro mga otoridad sa uman nga pag-eosub sa compound it KOJC.
Sa pihak nga parte ginapangayo man it kampo ni Quiboloy nga ihalin sanda sa kustodiya it AFP, ko Lunes nag-dihon it motion si Atty. Israelito Torreon nga legal counsel ni Quiboloy it motion sa paghalin it kustodiya sa AFP, apang raya hay insigida man nga ging pamalibaran it Department of National Defense.
