KALIBO, Aklan—Arestado ro daywa ka mga wanted person sa kasong Serious Physical Injury sa Brgy. Manoc-Manoc sa isla it Boracay.
Ro mga akusado hay ginkilaea kanday Diego Lagon, 20-anyos, tumandok it Brgy. Hambil, Romblon ag Marco Reyes, 19-anyos, tumandok it Occidental Mindoro.
Base sa report, ro daywa hay naaresto kasunod it ginkasa nga operasyon it Malay PNP ag pinaagi sa gahum it warrant of arrest nga may criminal case number 2089-M nga ginpagguwa ni Hon. Cleo Marie C. Santillan, Presiding Judge, 5th Municipal Circuit Trial Court, 6th Judicial Region, Buruanga-Malay, Aklan nga may petsang July 1, 2020.
Kapin sa 18,000 pesos ro pyansa nga gintaeana it korte sa kada akusado para sa andang sa temporaryong kahilwayan.
Sa makarun hay sa paghinakop eon it Malay Municipal Police Station ro daywa ag nakataeana nga igaturn-over sa korteng natungdan.
